شعر شعبي عراقي عن العتاب اللوم من السلوكيات الشائعة بين العاشقين وهو نوع من الخلاف ولكن ليس مثل أي شجار عندما تقاتل شخصًا عاديًا ليس مثل عندما تقاتل شخصًا قريبًا من قلبك، وهنا يمكنك فهم معنى اللوم، حيث يحدث هذا السلوك عندما تتشاجر مع شخص ما وتجعلك تحزن من طريقة حديثه أو أي شيء، وتعود إليه بعد مرور هذا الموقف وتلومه على ما قد يكون قد فهمه وتعود مما فعله إلى ذلك الشخص.
يمكنك التعرف على اروع ابيات الشعر للمتنبى من خلال قراءة هذا الموضوع: ابيات شعر للمتنبي أشعر شعراء العرب
شعر شعبي عراقي عن العتاب
اريد اعلن حداد وللعشك ماعود
واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
وماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
واذا صاير شمس انه ابقه دوم بليل
وما ريد الضوة وبلظلمه خليني
تذكرمن لكيتك والعطش واليك
وكلتلي امعود اترجاك روييني
عصرت اجفون عيني وشلييت دموع
وشربتك بديه وانت تدرييني
ومن مرني العطش صرت انت جربة ماي
كصدتك معتني ومديت جفيني
وانت بكل وكاحة وكل صلافة عين
درت بجفوفي سم وردت تنهيني
تذب نفطك عليه وانه بيه النار
وتتحمه اعله ناري و ماتطفيني
وصرت محبس بديك وكمت بيه تسوم
ساعة تبيع بيه وساعة تشريني
اظل خصمك وفضحك حتى من اتموت
على كبرك أخطـــــــــــن بايك اسنيني
تعرف على افضل قصائد الشعر لنزار قباني وإيليا ابو ماضي من خلال قراءة هذا الموضوع: شعر عن العشق للشاعر الكبير نزار قباني وإيليا أبو ماضي
ابيات شعر عتاب قوية
*من ياهي اعذرك ….وانت ما معذور
سيفك هد علي…….. بساعه الشده
حسبتك تحبني …وجبت بيدي الروح
بعدها ابنص ……اديه وكمت تتعده
ردت مره اجربك…. وانتخيك بيوم
على كلبي انتخيتك ……بلكن اترده
وكح كتلك وكح ….ويريد احب بذات
شجعته ع الي…….. وتوكف بسده
مرات التحبه تشوف….. منه اشكال
وتخلقله الاعذار ….دكول مو قصده
وتصد كل الحجي… والنصح من الناس
وتتحمل ذنوبه……… وكل خطأ عنده
لبس يفاجئك يلبس……. جلد ثعبان
ومفصل عليه……… وجايبه بكده
مانادم عليك ……الراح خلي يروح
ولك صارت قديمه …..الماي وتبده
بس نادم علي… شلونه اصدك بيك
ونادم ما اخذت…. العبره من وحده
وهن اهواي صارن.. ماتبت عالصار
يا كلبي شيتوبك…… كافي وتهده
غيمه من الدمع يزرعها ….وسط العين
وانت ورود……. حمره وتزرع بخده
تعرف على افضل واقوى ابيات الشعر للحبيبة من خلال قراءة هذا الموضوع: شعر حب قصير أجمل كلمات لإهدائها للحبيب وكيف تعرف من يحبك
شعر شعبي عراقي عتاب للحبيب مؤثر وملهم.
راح أصبر بدونك وأرهم بلياك
وأذبح رمش عيني الجان يبجيلك
وأتحمل عذابك والبعد والشّوك
وما حط صورتك كدّامي وأشكيلك
ما أكلّك نسيتك بس جرح بالرّوح
يكسر واهسي وما يقبل أمشيلك
عيني الشّالتك كلتلها أشيلج راح
كالت شيلني وما قبلت تشيلك
وجرحي ألفاك صدره وما يريد خيّاط
واكف جنُّه واحد جاي يدعيلك
بس مجبور أدفنك يا عشك يا شوك
وأقرى الفاتحة وبالوحشه أصلّيلك
بعيوني الحزن يقرونه اليواسون
والفوك الحزن لو تدري شاحجيلك
شمّات الأجو وأسوني ثالث يوم
يمكنك التعرف على الكثير من ابيات الشعر التى تزيد من المودة والحب من خلال قراءة هذا المقال: احلى شعر حب يقربك من الطرف الآخر ويزيد المودة بينكم
ابيات شعر عتاب للحبيب
*أجى واحد عليّا وكالي شبيك؟
أحسّ حملك ثكيل ودمعة بعيونك
وأحسّ داخل كليبك نار تشعل نار
وأحسّ ظهرك حنيتة وهدّلن متونك
كتلة القصة هيج وهيج بيّا الصّار
صـــــاح: الله أكبر، عمّي خيعونك
ما يسوون إظفرك خلهم يولّون
ما عدهم كلب ذولا اللّي يخونونك
تتعذّب عليمن أنتَ هم إنسان؟
بس دوس أعلى كلبك لا يدوسونك
وعليمن تنتظرهم والله ميرجعون
حيــــل بعيد صاروا ما يذكرونك
ولو بيهم أمل أنتظر جان ويّاك
بس قاسي كلبهم ما يفيدونك
وأُخُذ منّي نصيحة وعوف دمع العين
صافن لا تظلّ باجر يعبرونك.
يمكنك التعرف على افضل ابيات الشعر عن عيد ميلاد صديقى من خلال قراءة هذا المقال: شعر عيد ميلاد صديقتي قصير وخواطر عن صديقتي وأهمية كتابة شعر عيد ميلاد صديقتي قصير
وفيما يلي أبيات شعر عتاب وزعل
*مو عدل
مو ميت عدل وإكبالي أشوفك دوم
وأتامّل رحيم الغيبتك رجعة
ما صدّك غفل يا بويا عنّي تروح
مستعجل تريد فراكنا بسرعة
كدّامي القلم كلّ ساعة أشمّن بيه
بلكي علقلم نيشان من صعبة
وشكد ذكريات مخلي عالورق
وحجايات حلوه أبالي متجمعة
نقرى بدفترك حد ما تطيح عيون
والبوم الصّور نشتاق ونطلعه
عيني عالدّرب من ربعك إيردون
أكولن بلكي أشوفن جاي وي ربعه
ويطول انتظاري او وكفتي علـ باب
عين اتاني تبقى وعين بالدّمعة
شريد أنسى يمّا منيلّي النّسيان
هو الجرف ينسه الماي ويودعه
يا بويا العراقيّة تسولف بيك
لمّن تذكر اسمك كلبي اتكطّعه
تبقى عيوني تربي مكابل الشّاشات
بلكت صورتك لو صوتك تسمعه
ظلمة ليل صارت دنيتي بلياك
يلحاروك حياتك للوطن شمعة
أنت وكل شهيد والطّاح وفّه الكاع
يا سيف العراق أو مهرته ودرعه
اقتع روحي يمكن لو كلت أنساك
بس كلبي الدّفنته ويّاك شيقنعه
تعرف على اجمل وافضل ابيات الشعر عن الرسول محمد صلى الله عليه وسلم من خلال قراءة هذا المقال: شعر عن الرسول محمد صلى الله عليه وسلم وصفاته
شعر شعبي عراقي قصير
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
*****
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه
*****
اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني
*****
هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر …….. انه لمحليها
ذكرياتك صارن … الطف ويزيد
حيل اكرهك من يمر طاريها
تعرف على اقوى الاشعار التى قيلت عن الاصحاب من خلال هذا الرابط: شعر عن الاصحاب من اجمل الكلمات ذات اروع المعاني
شعر شعبي عراقي حزين عن الفراق
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
*****
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
*****
مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس
*****
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
*****
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
شعر شعبي عراقي عتاب وزعل
يدك براس حبك يزغيرون
وآحن لحرورتك حنين النوك
حقي ارتبك ووگوع من أﻻگيـك
رمش عينك يفهي العدهن الطلوك
الشمس شتعودلك شويچوي ملكاك
دفؤ زنودك على المستبرد يلوك
حايط بابكم معذور إذا طاح
الله يساعده بكل لحظه مدگوك
*****
ليش تبچـي …. الناس أجو سألوني
جاوبتهم …. هذا حظ آعيوني
گالــــوا آضحك …
عوف دمعك …
حيل آضحك …
خل نسمعك …
توني أجيت اضحك .. واجو بچوني؟؟
*****
إنخاف ما نحچي الحقيقه
أيعـذرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرانه مليانَـه حزن
ومجسّــمه بصورة عذاب
*****
الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
*****
ﻻ تحچي بعنف من تنصح الناس
آبدي بعيب نفسك يلّـه تتكلم
الگدامك بشر مو كومة آحجار
لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّـه يتعلم .
*****
آني ما أخون ربعي
حتى لو خانو
وإذا هين عليهم
هم ما هانو
چانو على الاقل
ذاك الوكت زينين
وراح اسكت
لخاطر كلمه
الچانو
اقرا اقوى ابيات الشعر فى الغزل الجاهلى من خلال قراءة هذا الموضوع: شعر غزل جاهلي وأشهر شعراء العصر الجاهلي
تناولنا فى هذا المقال شعر شعبي عراقي عتاب وقدمنا لكم فى هذا الموضوع الكثير من القصائد وأبيات الشعر القوية والمؤثرة وبعض القصائد التي تشير الى العتاب وصعوبة الفراق نرجو ان يكون هذا المقال قد نال اعجابكم.